நடிகர் சங்க கட்டிடம் குறித்த ஆலோசனைகளை ரஜினி கூறினார் – நாசர் பேட்டி

நடிகர் சங்கத்தின் தலைவர் நாசர், பொருளாளர் கார்த்தி மற்றும் துணைத்தலைவர் பூச்சி முருகன் மூவரும் நடிகர் ரஜினிகாந்தை போயஸ் கார்டனில் அவரது வீட்டில் நேரில் சந்தித்தனர். இதுகுறித்து நடிகர் நாசர் அளித்த பேட்டியில்.. இரண்டு வருடங்கள் இடைவெளிக்குப் பிறகு நடிகர் சங்கத் தேர்தல் முடிந்து, நடிகர் சங்க கட்டிட பணிகளை துவங்க உள்ளோம். அதற்காக ஒவ்வொருவராக சந்தித்துக் கொண்டிருக்கிறோம். அதன்படி நடிகர் ரஜினிகாந்தை மரியாதை நிமிர்த்தமாக சந்தித்தோம். அப்போது அவர், கட்டட பணிகள் பற்றி மிகவும் அக்கறையாக விசாரித்தார். மேலும், கட்டிடம் குறித்து நிறைய ஆலோசனைகளையும் வழங்கினார். இவ்வாறு நடிகர் சங்கத்தலைவர் நாசர் தெரிவித்தார்.