*ஆங்கிலமும், மலாய்மொழியும், தமிழும்* ஆக
ஆரம்பக் கல்வியெனப் பயிலு கின்ற
தூங்கிவழி யாததமிழ்ப் பிள்ளை கள்தாம்
தொடர்ந்தாற்போல் இன்னல்பல சந்திக் கின்றார் ;
தாங்கமுடி யாதபல சுமைகள் தம்மைத்
தமிழ்ப்பெற்றோர் எதிர்நோக்கி வருவ தாலே
ஆங்கிலமும் மலாய்மொழியும் போதும் ,மேலும்
அதிசுமையாய்த் *தமிழ்வேண்டாம்* என்கின் றாரே !
மும்மொழியைப் படிப்பதற்கே மாண வர்க்கு
முதலுதவி செய்கின்ற *பெற்றோர்* தாமும்
சம்மட்டி அடிவாங்கித் தவிக்கும் போது
*சமற்கிருத மொழிபயில* மாண வர்க்குச்
சம்மதமாய் இருந்திடுமா ; பெற்றோ ருக்கும்
சரிப்படுமா *சமற்கிருதம் ?* யோசி யுங்கள் !
நிம்மதியை அளித்திடுமா ? இதுவும் போக
நிச்சயமாய் சமற்கிருதம் *தேவை தானா ?*
தமிழ்மொழியில் சமற்கிருதக் கலப்பை ஏற்கச்
சரியான காரணமே இல்லை என்று
தமிழ்க் *கம்பன்* இராமனது காவி யத்தில்
சமற்கிருதப் பெயர்மறுத்துக் கதைமாந் தர்க்கே
தமிழ்ப்பெயரை வைத்தரிய *புரட்சி செய்தார் !*
*தயரதன்,இ லக்குமணன்* போன்ற தோடு
தமிழ்ப்பெயர் *வி பீடணன்* என் றாரே அன்றே
தமிழ்ப்பெருமை காட்டினனே கவிக்கோ கம்பன் !
இந்தயுகம் *கணினியுகம்* என்ப தாலே
இருக்கின்ற கணினியதன் *கட்ட ளைச்சொல்*
அந்த *சமற் கிருதத்தில்* இல்லை ; ஏனாம் ?
அவசியமே அதற்கில்லை அதனால் என்று
முந்திநின்று கணினியுடை *தமிழ்வ ளர்க்கும்*
*முத்துநெடு மாறன்* அவர் சொல்லு கையில்
எந்தவகை *சமற்கிருதம்* தமிழர்க் கென்றும்
இவ்வுலகில் உதவிசெயும் ? சிந்திப் பீரே !
உண்மையிதைத் தெரிந்தபினும் இங்கே யார்தான்
உதவாத சமற்கிருதம் தேவை யென்பார் ;
நன்மையென எண்ணிடுவார் ; எண்ண மாட்டார் !
ஞாயந்தான் என்கருத்தில் எனநி னைத்தே
வன்மையுடன்மறுத்திடுவீர் தமிழ்ப்பெற் றோரே
வளமில்லா சமற்கிருதம் தவிர்த்தே நிற்பீர் !
தொன்மைமிகு இந்தியத்து மொழிக ளுள்ளே
பன்மைவளத் *தமிழ் ஒன்றே* முதல்தே வையே !
*பாதாசன்*
