பாஜக ஒன்றிய அரசின் வஞ்சகப் போக்கை கண்டித்து தமிழ்நாடு முழுவதும் 2000 மையங்களில் கண்டன ஆர்ப்பாட்டத்தை இந்திய கம்யூனிஸ்ட்டு நடத்துகிறது. பாஜக ஒன்றிய அரசு தமிழ்நாட்டின் வளர்ச்சிக்கும், முன்னேற்றத்துக்கும் உதவாமல், மாநிலத்தை வஞ்சிக்கும் போக்கில் தீவிரமாக செயல்படுகிறது. கொரோனா நோய்த்தொற்று பரவல் தடுப்புக்கு பேரிடர் நிதியுதவி செய்யாமலும் தடுப்பூசி மருந்துகள், மருத்துவ ஆக்சிஜன், வெண்டிலேட்டர் போன்றவைகளை தமிழ் நாட்டிற்கு நியாயமான அளவில் ஒதுக்காமல் மக்கள் நலனை புறக்கணித்து வருகிறது. இந்த நெருக்கடியான நேரத்தில் பெட்ரோல், டீசல், சமையல் எரிவாயு உருளைகளின் விலைகளை உயர்த்தி கார்ப்பரேட் நிறுவனங்கள் நடத்தும் வழிப்பறிக் கொள்ளைக்கு பாஜக அரசு ஆதரவாக செயல்படுகிறது. மறுபக்கம் ஒன்றிய – மாநில அரசுகள் பகிர்ந்து கொள்ளும் கலால் வரியை குறைத்து, மாநிலங்களின் நிதியாதாரத்தை அபகரித்து வருகிறது. நீட் தேர்வு உள்ளிட்ட நுழைவு மற்றும் திறன் தேர்வுகள் நடத்தியும், புதிய கல்விக் கொள்கையின் பெயரிலும் மாநில மக்களின் கல்வி உரிமையை பறித்து வருகிறது. பாஜக ஒன்றிய அரசின் மக்கள் விரோதக் கொள்கைகளை கண்டித்தும், மக்கள் நலன் சார்ந்த கீழ்கண்ட கோரிக்கைகளை வலியுறுத்தியும் நாளை 08.06.2021 தமிழகம் முழுவதும் 2000க்கும் மேற்பட்ட மையங்களில் இந்தியக் கம்யூனிஸ்ட் கட்சி கண்டன ஆர்ப்பாட்டம் நடத்துகிறது. தலைநகர் சென்னையில், கட்சியின் மாநிலச் செயலாளர் தோழர். இரா. முத்தரசன் தருமையில் தி.நகர், 43, செவாலியே சிவாஜி கணேசன் சாலையில் உள்ள கட்சியின் மாநில தலைமை அலுவலக வளாகத்தில் கண்டன ஆர்ப்பாட்டம் நடைபெறும். கோரிக்கைகள்..
பாஜக ஒன்றிய அரசே!
01. ஒன்றிய அரசிடம் தமிழ்நாடு அரசு கேட்டுள்ள தடுப்பூசி உள்ளிட்ட கொரோனா தடுப்பு மருந்துகள் அளவு குறைக்காமல் முழுமையாக வழங்க வேண்டும்.
02. செங்கல்பட்டு மாவட்டத்தில் அமைந்துள்ள இந்துஸ்தான் (எச்எல்எப்) பயோடெக் ஒருங்கிணைந்த தடுப்பு மருந்துகள் உற்பத்தி வளாகத்தையும், அது தொடர்பான சொத்துக்களையும் தமிழக அரசிடம் தாமதமின்றி ஒப்படைக்க வேண்டும்.
03. ஜிஎஸ்டி வரிவிதிப்பு இழப்பீட்டு தொகை உட்பட தமிழகத்திற்கு தர வேண்டிய நிதி பாக்கி முழுவதையும் உடனடியாக மாநில அரசுக்கு வழங்க வேண்டும்.
04. பெட்ரோல், டீசல் மீதான வரிகளை குறைத்து, முறையே ரூ.50 மற்றும் ரூ.40 க்கு பெட்ரோல், டீசல் விற்க வேண்டும்.
பாஜக ஒன்றிய அரசே!
01. ஒன்றிய அரசிடம் தமிழ்நாடு அரசு கேட்டுள்ள தடுப்பூசி உள்ளிட்ட கொரோனா தடுப்பு மருந்துகள் அளவு குறைக்காமல் முழுமையாக வழங்க வேண்டும்.
02. செங்கல்பட்டு மாவட்டத்தில் அமைந்துள்ள இந்துஸ்தான் (எச்எல்எப்) பயோடெக் ஒருங்கிணைந்த தடுப்பு மருந்துகள் உற்பத்தி வளாகத்தையும், அது தொடர்பான சொத்துக்களையும் தமிழக அரசிடம் தாமதமின்றி ஒப்படைக்க வேண்டும்.
03. ஜிஎஸ்டி வரிவிதிப்பு இழப்பீட்டு தொகை உட்பட தமிழகத்திற்கு தர வேண்டிய நிதி பாக்கி முழுவதையும் உடனடியாக மாநில அரசுக்கு வழங்க வேண்டும்.
04. பெட்ரோல், டீசல் மீதான வரிகளை குறைத்து, முறையே ரூ.50 மற்றும் ரூ.40 க்கு பெட்ரோல், டீசல் விற்க வேண்டும்.
