மனோ கிரியேஷன் சார்பில் தயாரிப்பாளர் ஏ.ராஜா தயாரிப்பில், இயக்குநர் எல்.ஆர்.சுந்தரபாண்டி இயக்கத்தில், ஆரி அர்ஜுனன் கதாநாயகனாக நடிக்க, வித்தியாசமான களத்தில் மர்மங்கள் நிறைந்த பரபரப்பான படமாக உருவாகியுள்ள “4த் ஃப்ளோர்” திரைப்படம், வரும் பிப்ரவரி மாதம் 27 ஆம் தேதியன்று திரையரங்குகளில் வெளியாகவுள்ளது. இந்நிலையில் இப்படத்தின் காணொளிக் காட்சியை விஜய் சேதுபதி, ஆர்யா, பா ரஞ்சித், விஜய் ஆண்டனி ஆகியோர் சமூக வலைத்தளம் வழியே வெளியிட்டனர். காணொளிக் காட்சி ஆரம்ப கட்டத்தில் ஒரு அடுக்குமாடி வீட்டில் நடக்கும் அமானுஷ்ய சம்பவங்களை காட்டுகிறது. பேய் படம் என்று நினைக்கையில் அப்படியே தடம் மாறி, கொலைகளை அதன் விசாரணைகளைக் காட்டி ஒரு அசத்தலான மர்மம் நிறைந்த அனுபவமாக நிறைவு பெறுகிறது. கனவு, கொலைகள், விசாரணை என வெவ்வேறு பாதைகளில் கதை பயணிக்கிறது. ஒரு புதுமையான மர்ம அனுபவத்தை உறுதி செய்யும் இந்த காணொளி, ரசிகர்கள் மற்றும் திரை ஆர்வலர்கள் மத்தியில் பெரும் வரவேற்பைப் பெற்று வருகிறது. ஆரி அர்ஜுனன் கதாநாயகனாக நடிக்கிறார். தீப்ஷிகா கதாநாயகியாக நடிக்கிறார். மேலும் பவித்ரா, சுப்ரமணிய சிவா, தலைவாசல் விஜய் போன்ற முன்னணி நடிகர்கள் நடிக்கிறார்கள். இந்த திரைப்படம் கனவுகளுக்கும் நிஜ வாழ்க்கைக்கும் இடையே இணைக்கும் பாலமாக எழுதப்பட்டுள்ளது. தீர்க்கதரிசி என்ற திரைப்படத்தை பரபரப்பாக இயக்கியிருந்த எல்.ஆர்.சுந்தரபாண்டி அதே வேகத்தில் ஃபோர்த் ஃப்ளோர் படத்தை இயக்கியுள்ளார் என அதன் காணொளியில் தெரிகிறது. தணிக்கை செய்யப்பட்ட இந்தபடம் யூ ஏ தணிக்கை சான்றிதழ் பெற்றுள்ளது என தயாரிப்பு நிறுவனம் தெரிவித்துள்ளது. முகம் சுளிக்க வைக்காத காட்சிகளுடன் குடும்பத்துடன் சேர்ந்து பார்க்கும் படமாக இந்தப்படம் இருக்கும், பிரச்சனைகள் எங்கிருந்து வேண்டுமானாலும் தொடங்கும் நாம் தான் கவனமாக இருக்கவேண்டும் என்ற கருத்தை அதன் திரைக்கதை போக்கிலேயே சொல்லியிருப்பதாக இயக்குநர் எல். ஆர். சுந்தரபாண்டி தெரிவித்தார்.********
இப்படத்திற்கு “போடா போடி” படப்புகழ் இசையமைப்பாளர் தரண் இப்படத்திற்கு இசையமைத்துள்ளார், “போடா போடி” வெண்ணிலா கபடி குழு” படங்களின் ஒளிப்பதிவாளர் J லக்ஷ்மன் ஒளிப்பதிவு செய்துள்ளார். அநீதி, ஜெயில் மற்றும் மத்தகம் வெப் சீரிஸிற்கு கலை இயக்கம் செய்த சுரேஷ் கல்லேரி கலை இயக்கம் செய்துள்ளார். இப்படத்தின் இறுதிக்கட்ட பணிகள் தற்போது பரபரப்பாக நடந்து வருகிறது. செவன்த் ஸ்டுடியோ சார்பாக K.கண்ணன் இப்படத்தை தமிழ்நாடு தியேட்டர் வெளியீடு செய்கிறார். இப்படம் வரும் 27ஆம் தேதி திரையரங்குகளில் வெளியாகிறது.
தொழில் நுட்ப குழு விபரம் இயக்குநர்: L R சுந்தரபாண்டி தயாரிப்பாளர்: A.ராஜா நிர்வாக தயாரிப்பாளர்: சூரிய பிரகாஷ் P ஒளிப்பதிவு : J லக்ஷ்மன் இசையமைப்பாளர்: தரண் குமார் பாடலாசிரியர் : கு கார்த்திக் எடிட்டர்: ராம் சுதர்ஷன் கலை: சுரேஷ் கல்லேரி நடனம் : அபு சால்ஸ் ஸ்டண்ட்: டேஞ்சர் மணி மக்கள் தொடர்பு : A ராஜா
