நல்ல கதையம்சம் உள்ள படங்களைத் தேர்ந்தெடுத்து நடித்து வரும் நடிகர் நிகில் சித்தார்தா முன்னணி நடிகராக வளர்ந்து வருகிறார். பக்கத்து வீட்டு பையன் போன்ற எளிய தோற்றமும், அவரது திறமையான நடிப்பும் பல ரசிகர்களைக் கவர்ந்துள்ளது. ஒவ்வொரு படத்திலும் சவாலான கதாபாத்திரங்களை தேர்ந்தெடுத்து அதில் தனது நடிப்பு திறமையை நிரூபித்து வருகிறார். தற்போது இயக்குநர் பரத் கிருஷ்ணமாச்சாரி இயக்கத்தில் உருவாகி இருக்கும் ’சுயம்பு’ திரைப்படத்தின் மூலம் நடிகர் நிகில் ரசிகர்களை மீண்டும் கவர வருகிறார். பிக்சல் ஸ்டூடியோஸ் நிறுவனம் சார்பில் புவன் மற்றும் ஸ்ரீகர் தயாரிக்கும் இப்படத்தை தாகூர் மது வழங்குகிறார். இந்தத் திரைப்படத்தின் காணொளி பன்மொழிகளில் வெளியான குறுகிய காலத்திலேயே 10 மில்லியனுக்கும் அதிக பார்வைகளை கடந்து படத்தின் மீதான எதிர்பார்ப்பை அதிகரித்துள்ளது. நிகில், சம்யுக்தா, நபா நடேஷ், சுப்பராஜு, சுனில் மற்றும் பலர் இத்திரைப்படத்தில் நடித்துள்ளார்கள்*******
தொழில்நுட்பரீதியாகவும் ‘சுயம்பு’ பிரம்மாண்டமான படமாக உருவாகியுள்ளது. தயாரிப்பு வடிவமைப்பாளர்கள் எம். பிரபாகரன் மற்றும் ரவீந்தர் இருவரும் சேர்ந்து உருவாக்கிய வரலாற்று பின்னணி சூழல் படத்திற்கு மேலும் வலு சேர்த்துள்ளது. கே.கே. செந்தில் குமாரின் ஒளிப்பதிவு காட்சிகளுக்கு அழகூட்டியுள்ளது. ரவி பஸ்ரூரின் அதிரடி பின்னணி இசை காட்சிகளுக்கு தீவிரத்தை சேர்க்க, முன்னணி இந்திய விஎஃப்எக்ஸ் நிறுவனங்கள் உலகத்தரத்திலான காட்சிகளை உருவாக்கியுள்ளது. விஜய் காமிசெட்டியின் வசனங்கள் கதைக்கு வலிமை சேர்க்க கிங் சாலமன் மற்றும் ஸ்டண்ட் சிவாவின் சண்டைக் காட்சிகள், தம்மிராஜுவின் துல்லியமான படத்தொகுப்பு ஆகியவை படத்திற்கு மிகப்பெரும் பலம். சுயம்பு’ படத்தின் பிரம்மாண்டம், கதைசொல்லல் மற்றும் தயாரிப்பு தரம் ஆகியவை பீரியட் ஆக்ஷன் கதையை மறுவரையறை செய்யும் என எதிர்பார்க்கப்படுகிறது. இப்படம் பல மொழிகளில் வெளியாக உள்ளது.
*தொழில்நுட்பக் குழு:* எழுத்து, இயக்கம்: பரத் கிருஷ்ணமாச்சாரி, தயாரிப்பு: புவன், ஸ்ரீகர், தயாரிப்பு நிறுவனம்: பிக்சல் ஸ்டூடியோஸ், வழங்குபவர்: தாகூர் மது, ஒளிப்பதிவு: கே.கே. செந்தில் குமார், இசை: ரவி பஸ்ரூர், படத்தொகுப்பு: தம்மிராஜு, வசனம்: விஜய் காமிசெட்டி, தயாரிப்பு வடிவமைப்பு: எம். பிரபாகரன், ரவீந்தர், சண்டை: கிங் சாலமன், ஸ்டண்ட் சிவா, மக்கள் தொடர்பு: சுரேஷ் சந்திரா – அப்துல் நாசர்
