மு.மாறன் எழுதியு இயக்கியுள்ள குடும்பப் படம் அப்பா குட்டி, திரையரங்குகளில் வெளியாகத் தயாராகி வருகிறது. விஜய் ஆண்டனி நடிப்பில் உருவாகியுள்ள ‘அப்பா குட்டி’ திரைப்படத்தின் இணையதள உரிமையை அனேசான் பிரேம் வீடியோ கைப்பற்றியுள்ளது. இப்படம் திரையரங்குகளில் வெளியான பிறகு உலகம் முழுவதும் உள்ள ரசிகர்கள் அமேசான் டிஜிட்டல் தளத்தில் பார்க்கும் வாய்ப்பைப் பெறுவார்கள். இப்படத்தில் ப்ரீத்தி அஸ்ரானி, பேபி லிதன்யா, பகவதி பெருமாள் (பக்ஸ்), ஹரிப்பிரியா இசை, அருவி மதன், சித்ரா லட்சுமணன், ஸ்ரீஜா ரவி, வேட்டை முத்துக்குமார், ஜென்சன் திவாகர், முருகானந்தம், மூணார் ரமேஷ், லிசி ஆண்டனி, குமார் நடராஜன், விஜயன், பிரவீனா, ஹரிதா மற்றும் ஹரிப்பிரியா உள்ளிட்ட பலர் முக்கியக் கதாபாத்திரங்களில் நடித்துள்ளனர்.**********
‘அப்பா குட்டி’ படத்தின் OTT உரிமை விற்பனையாகியிருப்பது படக்குழுவுக்கு மற்றொரு முக்கியமான மகிழ்ச்சியாக அமைந்துள்ளது. ஆக்ஷன், குடும்ப உணர்வுகள் மற்றும் மனதைத் தொடும் கதையுடன் உருவாகியுள்ள இப்படம், திரையரங்குகளுக்குப் பிறகு டிஜிட்டல் தளத்திலும் அதிகமான ரசிகர்களைச் சென்றடையும் என எதிர்பார்க்கப்படுகிறது. தமிழ் சினிமாவில் வித்தியாசமான கதைகளையும் கதாபாத்திரங்களையும் தேர்ந்தெடுத்து நடித்து வரும் விஜய் ஆண்டனி இப்படத்தின் மூலம் மற்றொரு சுவாரஸ்யமான அனுபவத்தை ரசிகர்களுக்கு வழங்கத் தயாராகியுள்ளார். மர்மத் திரைப்படங்களை இயக்கியுள்ள மு. மாறன் இப்படத்தை எழுதி இயக்கியுள்ளார். ஒரு தந்தைக்கும் மகளுக்கும் இடையிலான அன்பு, தியாகம் மற்றும் பிரிக்க முடியாத பாசப் பிணைப்பை இப்படம் பேசுகின்றது. ஆக்ஷனுடன் குடும்ப உணர்வுகளும் கலந்துள்ள ‘அப்பா குட்டி’, அனைத்து வயதினரும் ரசிக்கும் படமாக உருவாகியுள்ளது. தனது குடும்பத்தினரைக் காப்பாற்ற ஒரு தந்தை எந்த எல்லைக்கும் செல்வார் என்பதை இப்படத்தின் கதை உணர்வுபூர்வமாக எடுத்துக்காட்டுகின்றது.
இப்படத்திலிருந்து சமீபத்தில் வெளியான ‘அப்பாவ போல’ ப்ரோமோ பாடல் 2 மில்லியன் பார்வைகளைக் கடந்து வரவேற்பைப் பெற்று வருகிறது. தந்தையின் அன்பை உணர்வுபூர்வமாக வெளிப்படுத்தும் இப்பாடலை மீனாட்சி இளையராஜா பாடியுள்ளார். விஜய் ஆண்டனி இசையமைத்துள்ள இந்தப் பாடலுக்கு ஏகாதேசி அசல் மெட்டையும் பாடல் வரிகளை எழுதியுள்ளார். பாடலுக்குக் கிடைத்துள்ள வரவேற்பு படத்தின் மீதான எதிர்பார்ப்பையும் அதிகரித்துள்ளது. தொழில்நுட்பப் பணிகளில் விஜய் ஆண்டனி இசையமைப்பாளராகவும் படத்தொகுப்பாளராகவும் பணியாற்றியுள்ளார். ராஜீவ் ராஜேந்திரன் ஒளிப்பதிவைக் கையாண்டுள்ளார்.
ஏற்கெனவே இப்படத்தின் திரையரங்கு வெளியீட்டு உரிமையை 5 ஸ்டார் செந்தில் பெற்றுள்ளார். இசை உரிமையை விஜய் ஆண்டனி மியூசிக் கைப்பற்றியுள்ளது. தற்போது Amazon Prime Video OTT உரிமையையும் பெற்றுள்ளதால், படத்தின் திரையரங்கு, இசை மற்றும் டிஜிட்டல் வெளியீட்டுக்கான ஏற்பாடுகள் வலுப்பெற்றுள்ளன. விஜய் ஆண்டனி ஃபிலிம் கார்ப்பரேஷன் தயாரிப்பில், மீரா விஜய் ஆண்டனி இப்படத்தை வழங்குகிறார்.
ஆக்ஷன், குடும்பப் பாசம் மற்றும் உணர்வுபூர்வமான கதை என அனைத்தும் இணைந்துள்ள ‘அப்பா குட்டி’ திரைப்படம் உலகம் முழுவதும் திரையரங்குகளில் பிரம்மாண்டமாக வெளியாகத் தயாராகி வருகிறது. திரையரங்கு வெளியீட்டுக்குப் பிறகு இப்படம் Amazon Prime Video தளத்தில் வெளியாகும். OTT வெளியீட்டுத் தேதி பின்னர் அறிவிக்கப்படும்.
