“குற்றம் புதிது” திரைப்பட விமர்சனம்

ஜிகேஆர் சினி ஆர்ட்ஸ் தயாரிப்பில் நோவா ஆம்ஸ்ட்ராங் இயக்கத்தில் தருண் விஜய், சேஷ்விதா கனிமொழி, மதுசூதனன் ராவ், பிரியதர்ஷினி ராஜ்குமார், ராம்ஸ், நிழல்கள் ரவி ஆகியோரின் நடிப்பில் வெளிவந்திருக்கும் படம் “குற்றம் புதிது”. காவல்த்துறை உத்ஜவி ஆணையராக இருக்கும் மதுசூதனராவின் மகள் சேச்க்விதா கனிமொழி ஒரு நள்ளிரவு நேரத்தில் ஆட்டோவில் கடத்தப்பட்டு கொலை செய்யப்படுகிறாள். கொலையாளியை கண்டுபிடிக்க காவல்த்துறை மூன்றுவித குழுக்கள் அமைத்து நகர் முழுவதும் தேடி வருகிறார்கள். முதலில் வீடுகளுக்கு உணவு விநியோக வேலை செய்யும் கதாநாயகன் தருண் விஜய்யை காவல்த்துறை ஆய்வாளர் விசாரணை செய்கிறார். விசாரணையில் அவர் குற்றமற்றவர் என அனுப்பிவிடுகிறார்கள். இரண்டாவதாக  ஆட்டோ ஓட்டுநர் ராம்ஸ்தான் கொலையாளியென முடிவு செய்து அவரை தேடும் பணியில் காவல்த்துறை மும்முரமாக செயல்பௌகிறது. அவரை எங்கு தேடியும் ஆள் அகப்படவில்லை. இந்நிலையில் கதாநாயகன் தருண் விஜய், சேஷ்விதா கனிமொழியை நான்தான் கொலை செய்தேன். என்றும் இதற்குமுன் இரண்டுபேர்களை கொலை செய்திருக்கிறேன் என்றும் காவல்த்துறை ஆணையரிடம் தானாக முன்வந்து மனநிலை பாதிக்கப்பட்டவராக ஆஜர் ஆகுகிறார். நீதிமன்றம் அவரை மனநல மருத்துவரிடம் அனுப்பி வைக்கிறது. இந்நிலையில் கொலை செய்யப்பட்ட சேஷ்விதா கனிமொழி உயிருடன் மீட்கப்படுகிறாள். அப்படியானால் கொலை செய்யப்பட்டது யார்? எதற்காக கொலை செய்தார்கள்? சேஷ்விதாவை கொலை செய்தேன் என்று ஏன் தருண் விஜய் பொய் கூறினார்? இதற்கான விடையை பல அதிரடி திருப்பங்களுடன் படம் முழுக்க விறுவிறுப்பாக இயக்கியிருக்கிறர் இயக்குநர் நோவா ஆம்ஸ்ட்ராங். உணவு விநியோக நடிப்பு, மன நிலை பாதிக்கப்பட்ட நடிப்பு,  உச்சக்கட்ட காட்சி நடிப்பு ஆகிய மூன்று நிலைகளிலும்  முற்றிலும் மாறுபட்ட நடிப்பை கொடுத்திருக்கும் தருண் விஜய் போற்றதலுக்குறியவர். மகள் சேஷ்விதாவின் மீது அதிக பாசத்தை வெளிப்படுத்தும் காட்சியில் மதுசூதனன் ராவின்  நடிப்பு மெச்சத்தகுந்தது. சேஷ்விதா பயத்தில் பதறும் உணர்வுகளை முகத்தில் அள்ளித் தெரித்திருக்கிறார். சில காட்சிகளில் மட்டுமே முகத்தை காட்டும் ராம்ஸின் வில்லத்தனம் பெண்களின் வெறுப்பை அள்ளிக் கொண்டு போகிறார். அப்படியொரு நடிப்பை திரையில் தெரிக்கவிடுகிறார். உச்சக்கட்ட காட்சியை பத்துக்கு பத்து அறையில் வைத்து எடுத்திருக்கும் ஒளிப்பதிவாளரின் கடின உழைப்பு படத்தில் நன்கு தெரிகிறது. நிழல்கள ரவிக்கு முக்கியத்துவம் கொடுக்கப்படவில்லை. வந்தார் அழுதார் சென்றார் அவ்வளவுதான். இதற்கு வேரொரு புதிய முகத்தை காட்டியிருக்கலாம். கதையின் மர்ம முடிச்சுகள் அவிழ்க்கப்படும் காட்சியில் குற்றவாளியை தப்பிக்கவிட்ட காவல்த்துறையை என்னவென்று சொல்வது. நீதிக்குப்பின் பாசம் எம்.ஜி.ஆரின் பாணி. இது பாசத்துகுப்பின் நீதி.