2014ஆம் ஆண்டு வெளியான குற்றம் கடிதல் திரைப்படம், இயக்குநர் பிரம்மா ஜி இயக்கத்தில், ஜெ.எஸ்.கே.சதிஷ் குமார் தயாரிப்பில் உருவாகி, ஆசிரியர்–மாணவர் உறவை மையமாகக் கொண்ட ஆழமான கதை மூலம் தேசிய விருதுகளை வென்று தனித்துவமான இடத்தைப் பெற்றது. இப்போது, அதன் தொடர்ச்சியாக ‘குற்றம் கடிதல் 2’, எஸ்.கே. ஜீவா இயக்கத்தில், மீண்டும் ஜே.எஸ்.கே.சதிஷ் குமார் தயாரிப்பில் உருவாகிறது. இவரே இப்படத்தில் முக்கிய கதாபாத்திரத்திலும் நடிக்கிறார். இப்படத்தில் பாண்டியராஜன், அப்புக்குட்டி, பாலாஜி முருகதாஸ், தீபக், பாவல், பத்மன், பி.எல்.தேனப்பன், சாந்தினி தமிழரசன், கீர்த்தி சாவ்லா, விஜி சந்திரசேகர், லவ்லின் , ஜோவிதா லிவிங்ஸ்டன், ரோஷன் உள்ளிட்ட பலர் நடித்துள்ளனர். குற்றம் கடிதல் முதல் பாகம் சமூக அவலம் பற்றிப் பேசியது. ஆனால் இந்த படம் அத்தன்மையிலிருந்து விலகி, ஒரு சமூக அதீர்வூட்டும் வகையில் உருவாகி, அதே சமயம் பள்ளிக்கூடப் பின்னணியைத் தக்க வைத்துள்ளது.********
படத்தின் காட்சிகளைப் பார்த்தவர்கள், அதன் சிறப்பான தயாரிப்பையும், சுவாரஸ்யமான கதை சொல்லலையும் பெரிதும் பாராட்டி வருகின்றனர். படத்தின் வெளியீட்டு தேதி குறித்து விரைவில் அதிகாரப்பூர்வ அறிவிப்பு வெளியாக உள்ளது. மேலும், இந்தப் படம் பல சர்வதேச திரைப்பட விழாக்களிலும் திரையிடப்பட உள்ளது.குற்றம் கடிதல் 2 திரைப்படம் கொடைக்கானல் , திண்டுக்கல், நாகர்கோயில் மற்றும் சென்னை ஆகிய சுற்றுப்புறங்களில் அழகாக படமாக்கப்பட்டுள்ளது.
தொழில்நுட்பக் குழு: இசை: DK எடிட்டிங்: C. S. பிரேம் குமார் ஒளிப்பதிவு: சதிஷ் G ஸ்டண்ட்: மகேஷ் மேத்யூ நடனம்: மானஸ் பாடல் வரிகள்: ராஜா குருசாமி தயாரிப்பு நிர்வாகம்: P. ஆறுமுகம் டிசைன்: பவன் குமார் G போஸ்டர்கள்: நந்தா கலர் கிரேடிங்: R. நந்தகுமார் DI & VFX: வர்ணா Digital Studio ஆடியோ: ராஜா நல்லய்யா PRO: ரேகா
