சோனி லைவில் வெளியாகும் ‘அன்பில் அவன்’

காதல், சஸ்பென்ஸ் மற்றும் ஆக்‌ஷன் என உணர்வுப்பூர்வமான கதைக்களத்துடன் உருவாகியுள்ள ‘அன்பில் அவன்’ திரைப்படம், திரையரங்குகளில் வெற்றிகரமாக வரவேற்பைத் தொடர்ந்து வரும் நவம்பர் 20 முதல் சோனி லைவ் ஓடிடி தளத்தில் பிரத்தியேகமாக வெளியாகிறது அசோக் செல்வன் மற்றும் ப்ரீத்தி முகுந்தன் இணைந்து நடித்துள்ள இப்படம், சூர்யா மற்றும் இயல் என்ற காதல் ஜோடியின் வாழ்க்கையை மையமாகக் கொண்டது. இப்படத்தில் சபுமோன் அப்துசமத், கதிர்பாலு மற்றும் மஹா டெல்லி கணேஷ் உள்ளிட்டோர் முக்கிய கதாபாத்திரங்களில் நடித்துள்ளனர். ஆர். கார்த்திகேயன் இயக்கியுள்ள இப்படத்திற்கு விக்னேஷ் ராஜா கதை எழுதியுள்ளார். திரைக்கதையை விக்னேஷ் ராஜா, ஆர். கார்த்திகேயன் மற்றும் அசோக் செல்வன் இணைந்து எழுதியுள்ளனர். ஹேப்பி ஹை பிக்சர்ஸ் சார்பில் அசோக் செல்வன் மற்றும் அபிநயா செல்வம் இணைந்து இப்படத்தைத் தயாரித்துள்ளனர்.********

இப்படம் குறித்து நடிகரும் தயாரிப்பாளருமான அசோக் செல்வன் கூறுகையில், “இரண்டு பேர் ஒன்றாக இணைந்து தங்களுக்கான வாழ்க்கையை உருவாக்கிக்கொள்ள விரும்புகிறார்கள். ஆனால், அவர்கள் கற்பனை செய்துகூடப் பார்க்க முடியாத சூழ்நிலைகளில் சிக்கிக்கொள்கிறார்கள். இதுதான் இப்படத்தின் அடிப்படைக் கதை. நடிகராக மட்டுமின்றி தயாரிப்பாளராகவும் இப்படத்தில் பணியாற்றியது எனக்கு இந்தப் பயணத்தை மேலும் சிறப்பானதாக மாற்றியது. திரையரங்குகளில் இப்படத்திற்கு நல்ல வரவேற்பு கிடைத்துள்ள நிலையில், தற்போது Sony LIV மூலம் இன்னும் அதிகமான ரசிகர்களைச் சென்றடைய இருப்பது மகிழ்ச்சியளிக்கிறது” என்றார்.

காதல், சஸ்பென்ஸ், ஆக்‌ஷன் என அனைத்தும் கலந்த ‘அன்பில் அவன்’ திரைப்படத்தை நவம்பர் 20 முதல் Sony LIV ஓடிடி தளத்தில் காணலாம்.