காக்டைல் சினிமா சார்பில் அஜய் கிருஷ்ணா தயாரிப்பில் உருவாகி வரும் படம் ‘அட்ரஸ்’. இராஜமோகன் இந்த படத்தை இயக்குகிறார். கேரளாவை சேர்ந்த தியா, குஜராத்தை சேர்ந்த பூஜா ஜவேரி என இரண்டு கதாநாயகிகள் இதில் அறிமுகமாகின்றனர். தம்பி ராமையா, இசக்கி பரத், தேவதர்ஷினி உள்ளிட்டோர் முக்கிய வேடங்களில் நடித்துள்ளனர். இளம் முன்னணி கதாநாயகன் ஒருவர் முக்கிய வேடத்தில் சிறப்பு தோற்றத்தில் நடித்துள்ளார்.கிரிஷ் கோபாலகிருஷ்ணன் இசையமைத்துள்ளார். கிருஷ்ணகுமார்-வாசன் இருவரும் ஒளிப்பதிவை கவனிக்க, தமிழரசன் படத்தொகுப்பை மேற்கொண்டுள்ளார். சினேகன், மோகன் ராஜன், ‘கானா’ ஹரி ஆகியோர் பாடல்களை எழுதி உள்ளனர்*****
படம் பற்றிய இயக்குநர் இராஜமோகன் கூறும்போது, “1956ல் மொழிவாரி மாகாணங்கள் பிரிக்கப்பட்டன. அந்த சமயத்தில் தமிழ்நாட்டிற்கும் சேராமல் கேரளாவிற்கும் சேராமல் நடுவில் ஒரு சில கிராமங்கள் மாட்டிக் கொண்டன. எந்த மாநிலத்திலும் சேராமல் அடிப்படை உரிமையான ரேஷன் கார்டு, வாக்காளர அட்டை, ஆதர்ர் கார்டு கூட கிடைக்காமல் அந்த மக்கள் இரு மாநில அரசாலும் புறக்கணிக்கப்பட்டு ஒரு கடினமான வாழ்க்கையை 2016 வரை வாழ்ந்தனர்,
அங்குள்ள மக்களுக்கு வாக்குரிமை அளித்து அவற்றை தங்களது சுயலாபத்துக்காக பயன்படுத்திக் கொள்ளக் கூட, இரண்டு மாநில அரசுகள் தரப்பில் நடவடிக்கைகள் எடுக்கப்படாததின் பின்னணியில் கூட ஒரு அரசியல் இருக்கிறது. அப்படிப்பட்ட பிரச்சனைகளை சந்தித்த ஒரு ஊரின் அழகியலையும் அந்த மக்களின் வலியையும் ஒரு பாடலில் அழகாக வெளிப்படுத்தியுள்ளோம்” என்று கூறுகிறார்.
*“மேகம் மூடிக் கொள்ளும்.. வானம் தேடிச்செல்லும்.. பூமி தலையில் தாங்கும் எங்க ஊருடா…* ” என துவங்கும் இந்தப் பாடலில்
*“எல்லைக்கோட்டை எவன்டா போட்டான்.. கோட்டை தாண்டி எவனும் வரலை..*
*நூறு சட்டம் நூறு திட்டம்.. எதுவும் இங்கே எட்டவில்லை..*
*யுத்தங்கள் இல்லை. ரத்தமும் இல்லை.. ஆனாலும் அகதியாக வாழ்கிறோம்..*
*நாங்கள் நாடோடி இல்ல.. ஓடோடி செல்ல.. நெஞ்சு பொறுக்குதில்ல..”*
என்பது போன்று அந்த மக்களின் வேதனையை வெளிப்படுத்தும் வரிகள் அமைந்திருக்கின்றன”
