நவராத்திரி பண்டிகையின் முதல் நாளில் ’ராமாயணா’ திரைப்படத்தின் புதிய பதாகையை வெளியிட்டு, நவம்பர் 5 ஆம் தேதி திரையரங்குகளில் வெளியாகும் என படக்குழு அறிவித்துள்ளது. இந்த புதிய பதாகையில் ’இது ராமர் யுகத்தின் தொடக்கம்’ என்ற வசனம் இடம்பெற்றிருக்க அதில் ராமராக ரன்பீர் கபூர், சீதையாக சாய் பல்லவி, லட்சுமணனாக ரவி துபே, ராவணனாக யஷ் ஆகியோர் இடம் பெற்றுள்ளனர். இரண்டு பாகங்களாக உருவாகும் இந்தப் இதிகாசத் திரைப்படத்தின் முதல் பாகத்தின் முன்பதிவு தசரா பண்டிகையின்போது தொடங்கும் எனத் தெரிவிக்கப்பட்டுள்ளது. நிதேஷ் திவாரி இயக்கத்தில் உருவாகியிருக்கும் ‘ராமாயணா’ திரைப்படத்தை, நமித் மல்ஹோத்ராவின் பிரைம் ஃபோகஸ் ஸ்டுடியோஸ் நிறுவனம், டிநெக் நிறுவனத்துட இணைந்து தயாரிக்கிறது. யஷ்ஷின் மான்ஸ்டர் மைண்ட் கிரியேஷன்ஸ் நிறுவனமும் இப்படத்தை தயாரிக்கிறது.*********
கதையின் மையக் கதாபாத்திரங்களுக்கு இடையிலான காட்சி ரீதியான வேறுபாட்டை இந்தப் போஸ்டர் அழுத்தமாக வெளிப்படுத்துகிறது. பிரம்மாண்டமான அரங்க அமைப்புகள், ஆடைகள் மற்றும் நுணுக்கமான வடிவமைப்புகள் என இரண்டு பாகங்களாக உருவாகும் இந்த இதிகாசத் திரைப்படத்தின் உலகத்தைப் பற்றிய முன்னோட்டத்தையும் இந்தப் பதாகையில் பார்க்கலாம்.
சமூக வலைதளங்களில் இந்த அறிவிப்பைப் பகிர்ந்த படக்குழு, அதனுடன் பின்வரும் பதிவையும் வெளியிட்டுள்ளது, ’நவராத்திரியின் புனிதமான இந்த நன்னாளில், ஒரு புதிய யுகத்தின் தொடக்கத்தைக் கொண்டாடுகிறோம். இது ராமர் யுகத்தின் தொடக்கம்! நமித் மல்ஹோத்ராவின் ‘ராமாயணம்’ முதல் பாகம், நவம்பர் 5 முதல் உலகம் முழுவதும் உள்ள திரையரங்குகளில் அனைத்து பிரீமியம் திரையிடல் தொழில்நுட்பங்களிலும் வெளியாகிறது. தசரா அன்று முன்பதிவு தொடங்குகிறது’ எனக் குறிப்பிட்டுள்ளது
